Asante kwa kutembelea tovuti yetu ya Tujibebe. Sisi ni Girl Effect na ndio tunao iendesha tovuti hii. Sisi ni taasisi ya misaada, na ofisi zetu zipo Landon, UK na tunafanya kazi ya kuwawezesha wasichana kama wewe. Anuani na taarifa zetu zingine utazilata mwishoni mwa sheria hizi.
Tafadhali hakikisha unazisoma na kuzifuata sheria hizi. Sheria hizi hazitokuzuia kufurahia zimewekwa ili kuhakikisha kila anayetumia tovuti hii ya Tujibebe kuwa salama na anaitumia kwa usahihi.
SHERIA
Tunaweza kubadili sheria hizi katika vipindi tofauti tofauti. Tafadhali hakikisha unafahamu juu ya toleo jipya la sheria hizi kwa kuzisoma hapa.Lakini pia tunaweza kubadili tovuti yetu ya Tujibebe katika vipindi tofauti tofauti hii inahusisha pia kuifunga tovuti hii kwa muda ili tuweze kuboresha huduma zetu. Tutajitahidi kukujulisha mapema, lakini sio mara zote tutafanikiwa kufanya hivyo.
Tujibebe inawalenga watu wenye umri mdogo kati ya miaka 13-24. Tafadhali kama una umri chini ya miaka 13 usitumie tovuti yetu ya Tujibebe, keani haitokufaa. Kama una umri chini ya miaka 16, tafadhali wasiliana na mzazi au mlezi wako kabla ya kuanza kutumia tovuti ya Tujibebe.
Unapotumia tovuti ya Tujibebe, tutakusanya taarifa zako binafsi kutoka kwako. Tafadhali soma sera yetu kuhusu faragha ili kufahamu zaidi jua ya
Taarifa tunazozikusanya;
Namna tunavyozikusanya
Kwanini tunazitumia na
Jinsi unavyoweza kupata taarifa zaidi.
Unaweza kupata taarifa kuhusu afya katika tovuti ya Tujibebe. Lakini taarifa hizi sio mbadala wa kutokupata ushauri wa matibabu. Kama utakuwa na swali au dukuduku maalumu kuhusu afya yako, tafadhali omba msaada wa daktari au mtu mwingine aliyesomea maswala ya tiba.
Tovuti ya Tujibebe ni ya jamii, hii inamaana kwamba hata wewe unaweza kuchangia juu ya maudhui yake. Hii inaweza kuhusisha maoni, blogi, tweets, video fupi fupi, mafaili ya sauti au hata mazungumzo. Kabla haujatupa maudhui yako, tafadhali zingatia;
Unafurahia kushiriki maudhui hayo na Girl Effect pamoja na watumiaji wengine wa tovuti ya Tujibebe, hili ni muhimu zaidi hasa pale maudhui hayo yanapokuwa yanakuhusu wewe binafsi.
Kama utawataja watu wengi, lazima pia kupata ukubali wao ili kushirikisha taarifa zao katika tovuti ya Tujibebe. hili ni muhimu zaidi hasa pale maudhui hayo yanapokuwa yanakuhusu wewe binafsi.
Hakikisha maudhui hayo ni kazi yako binafsi na haujanakili kutoka sehemu nyingine yoyote ile.
Lazima upate kibali cha kutumia maudhui ya watu wengine (kwa mfano unapotumia nyimbo au video)
Hakikisha kwamba maudhui hayo hayasemi uongo ama kueleza kweli zisizo sahihi.
Kwamba unafurahia sisi kutumia maudhui hayo katika tovuti ya Tujibebe, pamoja na katika shughuli zingine zinazoendeshwa na Girl Effect ( kwa mfano, pale tunapozungumza na watu wengine kuhusu kazi zetu.
Unapaswa kuwaheshimu watu wengine katika tovuti hii. Unaweza kuwa na mtazamo tofauti na mtu mwingine lakini lugha ya matusi au lugha mbaya itaondolewa na unaweza kuzuiwa kutumia tovuti ya Tujibebe katika siku za usoni.
Kunaweza kukawepo na viungo katika tovuti ye Tujibebe vitakavyo kukupeleka kwenye tovuti au taasisi zingine. Sheria hizi hazitotumika katika tovuti hizo hivyo unatakiwa kuangalia sheria za kila tovuti utakayoitumia kwani hatuwezi kuhusika na taasisi zingine.
Kama utajiunga kuwa mwanachama wa jamii ya Tujibebe, utatakiwa kuwa na jina maalum ya kuingia kwenye akaunti yako na neno siri. Hakikisha unatunza vizuri taarifa hizi kwani sidhani kama ungependa mtu mwingine azitumie kuingia kwenye akaunti yako ya Tujibebe na kujifanya ni wewe. Unawajibika na vitendo vya unavyohusu uwanachama wako.
Tunaweza kukuomba maoni yako tufanyapo tafiti. Tafadhali shiriki pale unapokuwa tayari, tafiti hizi sio za lazima. Tunazifanya ili kufahamu namna unavyotumia tovuti hii, na ili kukuandalia maudhui bora zaidi kwa ajili yako ( pamoja na watumiaji wengine wa Tujibebe). Tunaweza kuyashirikisha matokeo yako kwa watu wengine, lakini hili halitohusisha taarifa zako binafsi labda pale tutakapokueleza vinginevyo.
Tunafanya kila liwezekanalo kuhakikisha tovuti ya Tujibebe ni salama kwa matumizi, lakini hatuwezi kukuhakikishia kwamba ipo salama dhidi ya virusi vya kompyuta ama programu zingine haribifu. Hatutowajibika na uharibifu wowote ule utakaotokea kwenye simu yako kama matokeo ya kutumia tovuti ya Tujibebe.
Tunataka kuhakikisha tovuti ya Tujibebe ni salama na inapatikana wa watumiaji wote. Ili kutusaidia kutimiza hilo, tafadhali usijaribu kudukua tovuti ya Tujibebe, usijaribu au kutuma virusi haribifu kwenye jukwaa hili au kufanya kitu kingine chochote kitakachoharibu Tujibebe
Jina la "Tujibebe" nembo yetu and ubunifu wa jukwaa unamilikiwa na Girl Effect. Tafadhali hakikisha unaomba kibali chetu kabla ya kutumia kitu chochote kati ya hivi kwa sababu yoyote ile ( tofauti na kutumia Tujibebe)
Tujibebe imelenga matumizi yako binafsi pekee. Kama wewe ni mfanyabiashara tafadhali usitumie Tujibebe kwani maudhui yake hajakulenga wewe na hauna haki ya kutumia taarifa hizi.
Kama utavunja mojawapo wa sheria hizi katika kipindi chochote kile, pamoja na kukuchukulia hatua zingine lakini tunaweza kukuzuia kutumia tovuti ya Tujibebe katika siku za usoni.
Tunaamini utafurahia kuwa sehemu ya jamii ya Tujibebe. Girl Effect ni kampuni na taasisi ya misaada iliyosajiliwa Uingereza, UK. Anuani yake iliyosajiliwa ni Ingeni Building, 17 mtaa wa Broadwick , London W1F 0AX. Namba ya kampuni ni 07516619 Na namba ya usajili wake kama kampuni ya misaada ni 1141155.
