Je! Umeshawahi kuanzisha mazungumsho na mtu halafu baada ya dakika 5 tu yakakata kwa sababu uliishiwa maneno? Ndio! Wote tumepitia hii hasa likija swala la kuongea na watu wazima kama wazazi,walezi au washauri.wakati unawaza kuhusiana na hili hakuna haja ya kusikia aibu au wasiwasi kwamba itakuaje.Unahitaji tu kuwa mbunifu katika maswali yako.Kutokujua nini cha kumuuliza mshauri isiwe sababu ya kukosa kutafuta mshauri. Uoga wa kuzungumza na watu ni kitu cha kawaida kila mtu huwa anapitia lakini hii haitakusaidia kuja kuwa mtu uliefanikiwa katika maisha yako ya baadae.

Washauri ni watu wenye ujuzi ambao husaidia kuwaongoza watu wenye ujuzi mdogo katika vitu wanavyovipenda.. Mara nyingi hukufungua akili na kuona mambo kiupana zaidi.

Wanaweza kuleta tofauti kubwa sana katika maisha yako kama utafanyia kazi yale wanayokufundisha katika maisha yako,. Wanasema "Nyota njema huonekana asubuhi" na kuwa na mazungumzo na washauri hulenga hivyo haswaa ! kwa hiyo uliza maswali mazuri yenye maana. Sikiliza vidokezo na “vitu ” vya muhimu wanavyokwambia, halafu vitumie katika maisha yako nawe utajifunza mengi! mengi! na hautabaki kama ulivyo!. si wazo zuri eh?

Ikiwa unapata shida kufanya mazungumzo na mshauri wako, haya hapa maswali mazuri ambayo yataleta msisimko na kuendeleza mazungumzo!

1. Uliwezaje kupata kazi yako ya sasa?

2. Ulijifunza vipi jinsi ya kukubali kushindwa?

3. Je! Kulikuwa na nafasi ya kazi ambayo uliomba na ukapata, lakini haukuwa umekidhi vigezo 100%?

4. Je, ni nini huwa unazingatia unapofanya maamuzi?

5. Kwa mtazamo wako, nina uwezo kwenye maeneo yapi, na nafaa kuzingatia nini ili kujiboresha?

6. Ni maarifa gani mapya ninayohitaji ili nisonge mbele?

Enhee! maswali yapi ungeweka kwenye orodha kwa ajili ya mshauri wako? ushauri wowote wa kutupa sisi? tunaomba utushirikishe kwa kutuandikia hapo sehemu ya maoni.