Sote tuliwahi kupitia huo mtihani - wakati unapotaka wazazi wako wakupe "sapoti" kwenye jambo lako fulani halafu hata hujui wapi pa kuanzia kuwaelezea. Inaweza kuogopesha "kinoma!"

Ila waala hakuna haja ya kuwa na wasiwasi.... kwa kweli wazazi wanaweza kuwa msaada mkubwa sana kukuwezesha kutimiza ndoto zako. Unapaswa tu kujua namna nzuri ya kuongea nao!

Ikiwa unajisikia kama uko tayari kujaribu basi - hapa kuna baadhi ya vidokezo vya kukusaidia kupata msaada unaouhitaji kutoka kwa watu wanaokujali!

1. Ongea nao kwa heshima na kwa kuwaonyesha ya kuwa unawathamini

Ni muhimu kuwanyesha hili wakati unapohitaji msaada wao. Itaonyesha kwamba unatambua thamani yao kwako na wafurahia na kushukuru kwa yale yote waliyokufanyia.

Kwa mfano, Waweza kusema "Baba na Mama, ninajua mko "bize" sana lakini mkipata nafasi, naomba mnisaidie kwenda kuninunulia madaftari mengine"

Kuwaonyesha ya kuwa unawaheshimu na kuwajali kunaweza kusaidia sana katika kuwashawishi wafanye yale unayoyataka..

2. Kufanya utafiti muhimu

Mojawapo ya njia rahisi za kuwasaidia wazazi wako kuelewa kwa nini unahitaji wakusaidie ni kuwa na maelezo yenye maana. Wakati unapotafuta maelezo ya kuwambia kumbuka:

Kuandika pointi zako.

"Jitahidi kunyoosha maelezo" ili kuhakikisha unaeleweka.

Watolee mifano ili uwashawishi wakusapoti kile unachokiomba.

Wasikilize wazazi wako, huenda wakawa na maoni au maswali pia kwa hiyo mpeane nafasi ili kila mtu aseme yake.

Kwa mfano, ikiwa unatafuta kuanzisha biashara, ongea na wazazi kuhusu ni kwanini unadhani hilo ni wazo zuri na uwaonyeshe ya kuwa upo tayari kupokea ushauri wao.

3. Kuwa tayari kwa lolote,na uwe muwazi

Iwapo utaona mazungumzo hayaendi jinsi ulivyotarajia ni muhimu sana wewe kutulia tu. Sio kila siku maombi yako yatakubaliwa kwa hiyo ni kuvumilia na kusubiri. Iwapo wazazi wako watakukatalia basi wewe kubali tu, unaweza kuwauliza maswali na watakujibu ili uweze kuelewa.

Watafurahi kwamba unawasikiliza na kuheshimu mawazo yao,ila hii itakupa nafasi ya wewe kufikiria njia nyingine ya kuwaelezea kile unachokihitaji.

4. Wahusishe katika kila hatua

Unaweza kupendekeza kwa kuwaeleza kwamba utakuwa unawashirikisha katika kila hatua ya kile ambacho wamekukubalia

Kwa njia hii, wataona kwamba,hakika unataka wawe sehemu ya kufanya maamuzi kuhusu jambo lako. Lakini Mwisho hii ni njia nzuri ya kujenga uaminifu na watu wako wa karibu,na itakusaidia hata katika mahusiano yako yoyote huko baadae.