Kuwa na marafiki ambao tunaweza kuwategemea huyafanya maisha yetu kuwa bora zaidi.

Ikiwa umekuwa ukipitia tatizo sugu maishani mwako lakini hujawa na uhakika kama unaweza kuwategemea marafiki zako, endelea kusoma ili ufahamu ni kwanini unapaswa kufanya hivyo...

1. Msaada wa kukimbilia au kutegemea

Ni vizuri kuwa na rafiki unayeweza kumkimbilia na kufunguka kwake wakati unapojisikia vibaya. Kufunguka kwa rafiki unayemwamini ni bora zaidi kuliko kuwa kimya kuhusu tatizo lako. Husaidia kuondoa tatizo na kuna uwezekano utajisikia vyema.

Na unaweza kufanya hivyo pia kwa marafiki zako. Ukigundua kwamba hawako sawa, waulize kama wanataka kuzungumzia matatizo hayo. Unachopaswa kufanya ni kuwasikiliza na kuwakumbatia kwa sababu wakati mwingine hiyo ndiyo inayohitaji.

2. Wanaweza kukupa mtazamo mwingine wa kuyaangalia mambo

Kufunguka kwa rafiki yako kuhusu tatizo ambalo unapitia hukupa nafasi ya kuchunguza njia tofauti za kulitatua.

Rafiki yako anaweza kukupatia ushauri ambao hukuwezesha kuona tatizo lako kwa mtazamo tofauti, ambao haukufanya uweze kulitatua zaidi!

3. Hukufanya utabasamu zaidi

Marafiki wanaweza kutuburudisha sana kwa kufanya mambo rahisi kama kucheza nje, kutembea bustanini au kusikiliza muziki pamoja. Wakati unapofurahia na marafiki hutakuwa na wakati wa kufikiria kuhusu mambo yote ambayo yanakufanya ujisikie vibaya.

Hiyo ni kweli pia kwa marafiki zako. Ukigundua kwamba rafiki yako anajisikia vibaya, unaweza kumwalika kwenye siku ya kuwa na burudani. Hii itasaidia kutuliza akili yake na kumfanya aweze kujisikia vyema zaidi.

Kwa hiyo chochote kile ambacho unapitia kumbuka kwamba hauko peke yako na unaweza kuwategemea marafiki zako ili kupata msaada. Na iwapo marafiki zako wanajisikia vibaya, fanya kitu ili ujaribu kuwafanya wajisikie vizuri. Kwa sababu hiyo ndiyo kazi ya marafiki.