Ndoto yangu ni kuwa mwanasiasa, ninataka kufanya mabadiliko katika jamii yangu. Kila wakati mimi huwaona kwenye TV wakizungumza na umati wa watu lakini sijawahi kuwa bora katika kutoa hotuba. Lilikuwa jambo ambalo nilitaka sana kuwa bora..

Imenichukua muda, mazoezi mengi na vikwazo kadhaa – lakini ninajiamini zaidi kuliko hapo awali kuzungumza mbele ya wanafunzi wenzangu.

Nimejifunza vidokezo kadhaa rahisi vinavyonisaidia – kunisaidia kubadilisha woga kuwa furaha na kukaribia mafanikio kwa sekunde chache!

Hivi hapa vidokezo vyangu vikuu 3 ambavyo unaweza kujaribu kwa sekunde 60!

1. Onyesha uwezo wako – hata unapokuwa hujisikii!

Mbinu rahisi ya kuweza kujiamini kwa ndani ni kuhisi mwenye nguvu kwa nje. Nilikuwa najikongoja na kufunika mdomo wangu nilipokuwa nikizungumza.

Sasa, kabla sijaenda mbele ya umati, ninatenga muda kujiandaa.

Ninavuta pumzi kwa nguvu, hadi ninapopata nguvu mwili mzima – hadi kwenye ncha za vidole na kichwani! Jaribu mbinu hii unapokuwa na woga wa kujaribu jambo. Utahisi vyema – pamoja na kuonyesha ujasiri wako utakufanya uweze kufanya vyema pia.

2. Tafuta wito wako

Wito ni sentensi moja au mbili ambazo hukusaidia kupata nguvu.

Kabla ya hotuba kubwa, mimi huhisi woga, lakini natumia wito wangu kujituliza. Wito wangu ni – ‘Ninajitoa kutoka kwenye hali niliyoizoea ili nitimize ndoto zangu’.

3. Tafuta mtu wako mwenye nguvu

Nilikuwa na wakati mwingi nilipojishuku. Nilidhani sitawahi kuwa bora.

Nilijifunza kwamba wakati mwingine, nilihitaji kuomba msaada.

Rafiki yangu wa dhati Rosamie wakati wote alinikubalia nifanye mazoezi ya hotuba yangu mbele yake – na ananipa maoni ya kweli na ya kusaidia.

Iwe ni mama yako, rafiki yako wa dhati au mwalimu – kutakuwa na watu maishani mwako wanaokuamini. Wafikie watu hawa ili wakukumbushe ujuzi wako.

Kuomba msaada, kujisemea maneno ya kukutia nguvu au kutenga muda kujitia nguvu hakutachukua dakika moja. Utakuwa umekaribia mafanikio na hatua moja katika muda mfupi!