Ni vyema kuwa na mtu wa kuzungumza naye unapokuwa na maswali, wasiwasi au maisha yanapokuwa magumu.

Kuwa na dada mkubwa au mtu wa karibu anayeweza kukupa ushauri na mtazamo mpya husaidia sana. Hata kama huna dada mkubwa, mshauri anaweza pia kukupa msaada na mwongozo sahihi.

Mnasihi ni nani?

Mnasihi ni mshauri anayeaminika na mwenye kuwajibika, unayeweza kuzungumza naye kuhusu lolote. Iwe ni kuhusu shule, marafiki zako, wavulana, familia au ndoto zako. Mnasihi anaweza kukusikiliza, akuongoze kufanya uamuzi unaofaa au hata akusaidie kupata fursa!

Hauhitajiki kumwambia mnasihi wako kila kitu kama hujisikii, lakini kuwa na mfumo huo wa usaidizi inamaanisha kama utahitaji kuongea au kupata ushauri muda wowote basa utapatikana.

Kuwa na mnasihi sio tu kwa watu wadogo, hata watu wazima wana wanasihi pia! Sio lazima iwe mtaalamu au mtu aliye mbali, mtu mwenye moyo wa kukusaidia ambae unayemwamini na una uhakika anaweza kukupa ushauri mzuri anatosha kabisa.

Jaribu kuandika Jina la mtu unayedhani anaweza kuwa mnasihi mzuri na umuombe kama atakuwa tayari kuwa mnasihi wako

Umewahi kujaribu hii Shosti? Je una mtu ambae huwa anakushauri mambo yako au huwa unapambana tu na hali yako? Dada zako wangependa kusikia kutoka kwako kwa kutupia maoni yako hapoo chini.